ساره كانت تكره المدرسه وبالاخص الرياضيات قامت الصبح واهيا حيل مزعجه وتحب اتصارخ
ساره: يمه يمه وين هالزفته سونيتا ليش ما قومتني ع المدرسه تبوني اتاخر ها ؟
الام: هلا حبيبتي هلا بالزين كله هلا بشيخة البنات امري يمه عسا ماشر؟
ساره:يمه ليش ماقومتوني تاخرت ع المدرسه ؟
الام: اسفين والله ماندري انج بتداومين .. تدرين شلون خلاص خلاص موشرط تداومين اليوم داومي باجر
كان مبارك يعدل قميصه عشان بيروح ويا نواف للافنيوز يتريقون برا ووجه الكلام لسارة : شفيج تصارخين من صباح الله خير
ساره: انت جب شتبي ؟
مبارك: سويروه انجعمي احسن لج
الام: بس انت وياه مااحترمتوني ’’ بروك وين رايح
ساره : اكيد رايح يغازل ههههههااي
مبارك: انتي يا الملقوفه جبي ولاكلمه ،، يمه بروح مع نواف للافنيوز
طبعا ساره ودها تشوف نواف لان حيل يقولون عنه مزيون
ساره: برووك ترى لقيت لك بنت الحلال
مبارك: ههههههه لايكون صايره الخطابه ام طلال ،، يبه شفيج مابي اتزوج الحين تو الناس
ساره: زين زين بس جم بروفايلك بالبيبي (يعني البلاك بيري)
مبارك: ********* ( عطاها البروفايل ماله)

ركضت ساره واتصلت على بيت نوره ولا ترد الخدامه: نوره موجود بس نايم > خدامتهم فلبينيه
ساره: زين خلي نوروه تشيل السماعه بحاجيها
روز: اوكي مدام ويت بليز
نوره: هلا وغلا
ساره: هلا فيج
نوره: شعندج داقه من صباح الله خير؟
ساره:تروحين للافنيووز؟
نوره: اوكي يلا بس البس وايي لج
طبعا نوره اخت نواف وحتى نواف كان يبي يشوف ساره بس ماحصلت له فرصه
نواف: اقول مبارك
مبارك:هلا
نواف:شصار على اختك ساره؟
مبارك: شكلك حبيتها ؟؟ علينا نوافووه
نواف: يقول بقلبه اخييه سارا فديتج ودي اشوفج ( ها لالا شكو متى شفتها بس اسال عنها )
مبارك: ماكو اليوم غايبه
نواف فز قلبيه قال: لايكون مريضه
مبارك: لالالا لاتخاف هاذي ماتخاف النزغه
طبعا ارتاح نواف

ها عجبكم البارت؟
اذا عجبكم قولوا لي

عشان انزل البارت الياي

مشكووووووووووره
وانا احب القصص الكويتيه

وانتظر البارت الثاني
بششششوق

اوكي حمتو بكملها لجل عيونك بس انطر اكتب البارت الثاني

وصلت نوره لبيت ساره ودقت على ساره وقالت لها: يلا سوسو بسرعه نزلي حدي يوعانه
ساره: اوكي حبوبه بس ويت بحط عطر
وبعد خمس دقايق ساره نزلت ونوره بطلت حلجها وصارت مفهيه
ركبت ساره السياره وقالت لنوره : شفيج فهيتي خير في شي ؟
نوره: قمر قمر انتي ياساره قمر 14 ماشالله عليج احلى مني
ساره: ههههههه مشكوره حبيبتي احرجتيني :$
المهم وصلوا للافنيووز
قال مبارك حق نواف : نواف ويت بروح افر شوي بالمجمع وبعدين ارد لك
نواف: قول انك بترقم بنات يبه توكل على الله
نوره قالت لساره : ساره بسج فراره دوختيني تدرين شلون ؟ بروح اقعد بستار بوكس لاخلصتي فراره تعاليلي
ساره: اووكي
كانت ساره احلى من نوره حيل كل ملابسها ضيجه ومشيتها فيها دلع ونعومه وانوثه وغرور وكبرياء ونور كانت دفشه بالميك اب عكس ساره كان ميك اب سارهـ حيل ناعم
نواف كان يتكلم بالبيبي (البلاك بيري) وقال حق نفسه يبه بطقها فره
واهو لما كان يفتر كان شآبك بالمسن ويكتب لربعه
فجاه دعم ساره واهو مايدري
اهو انبهر بجمالها واهيا انبهرت بجماله
انربط السانه ومايعرف شيقول وقال : اسف والله مادري ماشفتج يا.....
الا انتي شسمج < كانت اول مره يتليقف ويصير ملقوف على هالشغلات والسوالف
قال ساره : اسمي ساره ال******
نواف انصدم لانها كانت تشبه مبارك ونفس اسم عايله مبارك
قال انتي اخت مبارك
قالت ساره : اي ليش؟
نواف: انتي ساره ؟
ساره: انت نواف ؟
وكانت هاذي اللحظه الاولى اللي يتقابلون فيها ساره ونواف
نواف: اي انا نواف
ساره: انحرجت حيل وانصدمت قالت : اول مره اشوفك
نواف: وحتى انا
عاد نواف قام يستعبط عليها قالها: عندج علج ؟
ساره: اي عندي
نواف: ممكن واحد؟
ساره : اي اكيد تفضل
وعطته ساره العلج
ورد لها القرطاس مال العلج
طبعا ماقطته
قالت ساره: ع العموم اسفه وعن اذنك
نواف: لا عادي اذنج معاج (يقول بقلبه لاتكفين خلج عفيه لاتروحين)
ولما راحت ساره كان يطالعها من فوق لتحت ويقول : يبووي صج حلوه وملكه جمال
قعدت ساره ع الطاوله وكانت فرحانه ومستانسه وشافت القرطاس ولا مكتوب عليه رقمه
انصدمت وايد وقالت امبيه هذا رقمه؟ وكل شوي تقرا الرقم اكثر من مره
ومو مصدقه

رجعت البيت
وقعدت ع السرير
وقالت : ادق ولا ما ادق لالا عيب ادق انا بنت ولي سمعه يووه شفيني انا شكلي حبيته من قلب امبيه شصار بالدنيا يبه بدق عليه واللي فيها فيها
رد من البيت وقال اف ملل
وكان منسدح ع السرير وسرحان
دقت ساره وقالت : الووو
نواف فز من السرير وقال: ساره؟

ها عجبكم البارت ؟
اكمل ولا اوقف ؟

اهئ اهئ شكلها مو عاجبتكم القصه :(

انا بكملها الا اذا كان في تفاعل معاي
بس ليما الحين ما شفت تفاعل

اللهم حمتو اهو اللي خلاني انزل لكم بارت ثاني
بس انصحكم لاتطوفكم
وانتوا احرار بكيفكم

ها شقلتوا اكمل ولا اسكت ؟